ស្ត្រីម្នាក់ខឹងម្តាយស្តីបន្ទោសរឿងចែកដីកេរបានផឹកថ្នាំសម្លាប់ខ្លួន
30-July-2016 | ដោយ មែន កំសត់
ត្បូងឃ្មុំ៖ស្ត្រីម្នាក់បានខឹងម្តាយស្តីបន្ទោសរឿងចែកដីកេរថា ម្តាយស្រឡាញ់កូនមិនស្មើក៍បានផឹកថ្នាំបំពុលសត្វកណ្តៀរសម្លាប់ខ្លួន តែម្តង។ហេតុការណ៍បានកើតឡើងនៅភូមិអំពិលជ្រុំឃុំទន្លេបិទស្រុក ត្បូងឃ្មុំកាលពីថ្ងៃទី២៩ខែកក្កដាឆ្នាំ២០១៦។
លោកវរសេនីយ៍ ឡុងសារិនអធិការរងនគរបាលស្រុកត្បូងឃ្មុំបានឲ្យដឹងថាស្ត្រីដែលបាន ផឹកថ្នាំសម្លាប់ខ្លួននោះឈ្មោះ ភួង ចន្ថា ហៅណេម អាយុ ៣១ឆ្នាំ មានប្តីប្តីឈ្មោះ ថេត សំអុន អាយុ៣៧ឆ្នាំនៅភូមិកើតហេតុបានធ្វើអត្តឃាតដោយផឹកថ្នាំបំពុលសត្វ កណ្តៀរបណ្តាលឲ្យស្លាប់ នៅម៉ោង១២ថ្ងៃត្រង់ ថ្ងៃដដែល បន្ទាប់ពីក្រុមគ្រួសារបានបញ្ជូនដល់មន្ទីរពេទ្យខេត្តកំពង់ចាម ។
លោកអធិការរងបានបន្តថាតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុស្ត្រីនោះបានឈ្លោះប្រកែកជាមួយម្តាយបង្កើតរបស់ខ្លួន ឈ្មោះឈួនឆានអាយុ៧០ឆ្នាំពីរឿងបែងចែកដីកេរមរតក។ពេលនោះម្តាយបាន ស្តីបន្ទោសស្ត្រីជាកូនថា"ង៉ែងជាកូនពៅបានដីភូមិ និងផ្ទះសម្បែង រួមនិងដីស្រែចម្ការប៉ុណ្ណឹងហើយង៉ែងចង់បានអីទៀត? អញទុកឲ្យបងៗគេបានសមរម្យខ្លះផង"។
ការទាស់ពាក្យសំដី បន្តិចបន្តួចនេះធ្វើឲ្យស្ត្រីជាកូនចិត្តខ្លាំងលើសតោបានអន់ចិត្ត នឹងម្តាយរបស់ខ្លួនហើយតបតវិញថាម្តាយមិនស្រឡាញ់ខ្លួនស្រឡាញ់កូន អត់ស្មើរួច ក៏សម្រេចចិត្តទិញថ្នាំបំពុលកណ្តៀរ យកមកផឹកនៅក្រោមដើមគរ ឯវាលស្រែចម្ងាយប្រមាណ១.០០០ម៉ែត្រ ខាងជើងភូមិអំពិលជ្រុំ ឃុំទន្លេបិទ តែម្តងទៅ។ ក្រោយពេលកើតហេតុ សមត្ថកិច្ចជំនាញនគរបាលស្រុកត្បូងឃ្មុំ សហការជាមួយគ្រូពេទ្យ បានចុះពិនិត្យនិងធ្វើកោសល្យវិច័យ ឃើញថាស្ត្រីនោះពិតជាធ្វើអត្តឃាត ដោយផឹកថ្នាំពុលពិតប្រាកដមែន៕
ចំនួនអ្នកទស្សនា
- ថ្ងៃនេះ8171
- ម្សិលមិញ6261
- សប្តាហ៍នេះ26551
- ខែនេះ141701
- ឆ្នាំនេះ141701
- សរុប20584157